黃子華俾過百隻熊貓圍
子華,你好嗎?去深水埗同高登巴打say hello! 黃子華 - 子華本部
PMQ 元創方 AllRightsReserved WWF Hong Kong 香港 - 亞洲創意之都 Hong Kong - Asia's Creative Capital #1600Pandas #1600PandasHK
近日最hit最爆嘅話題一定係嚟咗香港嗰1600隻可愛熊貓登場,其實除咗嗰1600隻,仲有好多以環保物料同方法生產出嚟嘅熊貓主題限定商品,吸引大小朋友捧場。
自6月9日開始呢1600隻熊抵達香港之後,佢哋就忙住去唔同地方公開快閃,唔少藝人都趁機先睹為快同熊貓集郵,包括周慧敏、舒淇、鄭秀文、蔡卓妍都有同熊貓影相,容祖兒都唔執輸今日都有貼圖。佢哋仲去咗深水埗搵明哥嘅愛心飯堂,明哥仲拎住手機同熊貓自拍,場面好溫馨呢!
今日黃子華都喺facebook上載咗張佢側側哋身,佢好開心咁學地上一群熊貓趷籮影相,子華仲好投入咁留言問句:「邊度有竹食?」
好多網民睇完之後都讚佢呢頭金鬆,其實早前黃子華同鄭中基喺陽江拍攝新片《神秘寶藏》,當時已經染咗一頭金毛o架啦,消息仲話因為每日有唔少fans去搵子華集郵,影響拍攝,今次子華有樣學樣,去搵番啲熊貓集郵。
1600隻熊貓稍後仲會去到尖沙嘴鐘樓、維多利亞公園、電車巡遊、皇后像廣場,陸續遊勻全港地標之後,於6月25日就會抵達PMQ元創方同大家見面。
如你喜歡,請給個LIKE^^
其他遊記