近日有報道拍到
古天樂
、
吳君如、林峯、曾志偉等到灣仔開秘密飯局，據知近年積極投資電影嘅古仔睇中林峯潛力無窮，有意同好友吳君如開拍電影《金鴨》，仲想邀請林峯做男主角，打造佢成為新一代「鴨王」！
據報道，古仔同君如於開餐時拉林峯一邊密密斟，望以誠意打動林峯做「鴨」。有指古仔一直都搵唔到「鴨王」嘅最佳人選，不過今次就睇中林峯喺影壇有新鮮感，又見《使徒行者》中嘅佢演技有進步，所以想搵佢合作。而飯局後，林峯心情大靚全程笑容滿面，但未有接受訪問就上車離開。
現年34歲嘅林峯自今年8月約滿無綫後不再續約，近日以一億身價賣身英皇，並準備喺歌影視三棲大展拳腳。
